|
Written by GIC
|
|
Monday, 19 March 2007 |
ኣብ ኤርትራ መሰረታዊ ሃለኽቲ ነገራት ዝቕርባ ዝነበራ ፋብሪካታት ይዕጸዋ ።
ብሰንኪ ስርዓት ህግደፍ ዝኽተሎ ገባቲ ቁጠባዊ ፖሊሲ ኣብ ኤርትራ መሰረታዊ ሃለኽቲ ከቕርባ ዝጸንሓ ፋብሪካታት ከምዝተዓጽዋ ካብ ውሽጢ ሃገር ዝበጸሓና ሓበሬታ ገሊጹ ።
ፋብሪካ ኦሞን ሳሙናን ኣስመራ ፣ ፋብሪካ ክብሪትን ፋብሪካ ዘይቲ ኣስመራ ብሰንኪ ምስ ኣታዊኣን ዘይመጣጠን ዝተሰለዓለን ቀረጽን ነውጺ ናይ ዕዳጋን ክቕጽላ ብዘይምኻለን ተዓጸየን ከምዘለዋ እቲ ዝበጸሓና ሓበሬታ ገሊጹ ። ኣብ ተመሳሳሊ ዜና ፋብሪካ ሽጋራ ኣስመራ (ሞኖፖልዮ ) ኣብ ተመሳሳሊ ናይ ምዕጻው ኩነታት ከምዝርከብን ዋሕዲ ቀረብ ሽጋራ ኣብ መላእ ሃገር ብሰፊሑ ይረኣ ኣሎ ዝበለ እቲ ሓበሬታ ብሰንኪ ዋሕዲ ቀረብ ዜጋታት ሽጋራ ንምርካብ ኣብ ማእከላት መዐደሊ ተሰሪዖም ከምዝወዕሉን ተገሊጹ ።
ከምዝፍለጥ መንግስቲ ኤርትራ ኣብ ልዕሊ ኣውፈርቲ ብዝኽተሎ ኣጋትን ዓብላልን ናይ ወፍሪ ፖሊሲ ብዙሓት መሰረታዊ ሃለኽቲ ነገራት ከፍርያ ዝጸንሓ ፋብሪካታት ካብ ምፍራይ ዓዲ ውዒለን ከምዘለዋ ዝፍለጥዩ ። ፋብሪካ ልስሉስ መስተ ኣስመራ ( እንዳ ኮላ) ብሰንኪ ዘጋጠሞ ክሳራ ኣቛሪጹ ኤርትራ ኣብ ኣፍሪቃ እታ እንኮ ሃገር ልስሉስ መስተ ዘይብላ ሃገር ከም እትኸውን ጌርዋ ይርከብ ።
|
